Antwort – Re: Uyghurlar gérmaniye tashqi ishlar ministérlikide söhbette boldi
Nutzername
Betreff
Nachricht
oder Abbrechen
Als Antwort Auf
Re: Uyghurlar gérmaniye tashqi ishlar ministérlikide söhbette boldi
— by Tarim Tarim
Bügün 8 – april küni D U Q ijraiye komitéti reisi dolqun eysa we qurultay yashlar komitéti reisi gheyur ependiler Gérmaniye kishilik hoquq komitéti mesuli berbél koflérning tekliwi bilen tashqi ishlar ministérliki binasida söhbet ötküzgen. Bu qétimqi söhbetke uyghur wekilliridin sirt tibet teshkilati, xeter astidiki milletlerni qoghdash teshkilati, xelqara kishilik hoquqni közitish teshkilati, chigrasiz muxbirlar teshkilati qatarliq xelqara kishilik hoquq organlirining birqisim wekillirimu qatnashqan.

Dolqun eysa ependining bügün bérlindin bergen uchurigha  asaslanghanda, gérmaniye kishilik hoquq komitéti mesuli berbél koflér xanimning ularni bu qétimqi söhbetke chaqirishtiki meqsidi; gérmaniye dairilirining aldinqi ay xitay hökümiti bilen uyghurlar, tibetler hemde xitay xelqining insan heqliri mesilisi üstide élip barghan söhbitining mezmunidin melumat bérish iken.

  Dolqun eysa ependining éytishiche, ötken ayning 20 – künidin 25 – künigiche gérmaniye pirizdénti gauk ependi xitayda ziyarette bolghan bolup, 60 kishilik bu ziyaretchiler ömiki terkiwide gérmaniye kishilik hoquq komitétigha yéngidin mesulluqqa teyinlengen berbél koflérmu bolghan. Ziyaret esnasida, pirizdént gauk ependi shangxeydiki gérmaniye konsulxanisida bir qisim xitay kishilik hoquq paaliyetchiliri bilen uchrashqan hemde xitay dairiliri bilen bolghan söhbette kishilik hoquq mesilisini tilgha alghan. Gérmaniye kishilik hoquq komitéti mesuli berbél koflér xanimmu xitay dairiliri bilen bolghan insan heqlirige ait söhbet jeryanida uyghurlar we tibetler mesilisini söz témisi qilghan. Bügünki bérlindiki uchrushush, eneshu chaghda xitay hökümiti bilen uyghurlar, tibetler mesilisi üstide élip barghan söhbitining mezmunidin uyghur we tibet wekillirini waqiplandurush bolghan.